VERMAAK
By die FAK Udolpho Rivierplaas is daar verskeie prettige doendinge wat altyd sorg vir ure se vermaak vir jonk én oud!
Mini-gholf
Udolpho se nege-putjie-mini-gholfbaan sorg altyd vir groot opwinding en gesonde kompetisie onder jonk en oud!
Bring gerus ‘n setstok of twee van die huis af saam, of kom maak ‘n draai by ons Snoepie om stokke en ‘n paar gholfballetjies te leen.
Vlugbal
Udolpho se vlugbalbaan sorg altyd vir groot pret, goeie oefening en ‘n seergelagde maag!
Bring jou vriende en kom maak gerus ‘n draai by die Snoepie, waar ons dan vir julle ‘n vlugbal kan leen indien julle nie een byderhand het nie!
Vlugbal
Udolpho se vlugbalbaan sorg altyd vir groot pret, goeie oefening en ‘n seergelagde maag!
Bring jou vriende en kom maak gerus ‘n draai by die Snoepie, waar ons dan vir julle ‘n vlugbal kan leen indien julle nie een byderhand het nie!
Stap/draf/fietsry
Pragtige natuurtonele, die rustigheid van die plaas en die geluide van die diverse voëlspesies wat vlak rondom jou saamgesels, is waarna gaste kan uitsien tydens ‘n heerlike vroegoggenddraffie, ‘n lekker lang ent se stap saam met geliefdes of ‘n bergfietsrit op Udolpho se grondpaaie!
Swembad
Udolpho beskik oor ‘n pragtige, skoon swembad waar gaste heerlik kan afkoel op daardie snikhete Vrystaatse somersdae! Bring die piekniekmandjie en kom geniet ‘n luilekker dag saam met vriende en familie by ons eie potblou plaasdam!
Swembad
Udolpho beskik oor ‘n pragtige, skoon swembad waar gaste heerlik kan afkoel op daardie snikhete Vrystaatse somersdae! Bring die piekniekmandjie en kom geniet ‘n luilekker dag saam met vriende en familie by ons eie potblou plaasdam!
Visvang
Die Vaalrivier is bekend vir verskeie varswatervisspesies soos karpe, swartbaars, geelvisse en moddervisse, en daar is voorwaar al ‘n paar bielies nét híér by Udolpho uitgetrek! Kom maak gerus daardie lyne nat by ons pragtige rivierplaas!
Kettieskiet
Vra vir Pa of Ma vir ’n R5 en kom maak ’n draai by die Snoepie. Ons leen dan vir jou ’n kettie en jy kry ’n sakkie albasters vir daardie R5.
Daag jou maats uit vir ’n lekker rondte teikenskiet en kyk wie word gekroon as die kettieskietkoning!
Kettieskiet
Vra vir Pa of Ma vir ’n R5 en kom maak ’n draai by die Snoepie. Ons leen dan vir jou ’n kettie en jy kry ’n sakkie albasters vir daardie R5.
Daag jou maats uit vir ’n lekker rondte teikenskiet en kyk wie word gekroon as die kettieskietkoning!
Voer ons diertjies
Bring gerus die kleinspan en kom sê ‘n bietjie hallo vir ons dieremaatjies! Ons voer ons oulike dierekinders elke oggend, en julle kan ook kom help om kossies uit te sit!
Ons het ganse, hoenders en twee hasies, asook eende en twee makoue!
Voer ons diertjies
Bring gerus die kleinspan en kom sê ‘n bietjie hallo vir ons dieremaatjies! Ons voer ons oulike dierekinders elke oggend, en julle kan ook kom help om kossies uit te sit!
Ons het ganse, hoenders en twee hasies, asook eende en twee makoue!
Speelparkie
Udolpho beskik oor ‘n heerlike, ruim speelwerf wat reg langs ons pragtige swembad geleë is.
Daar is swaaie, klimrame, ‘n glyplank en ‘n trampolien waarop die jongspan kan baljaar, en wat altyd sorg vir ure se pret en baie lag!
Speelparkie
Udolpho beskik oor ‘n heerlike, ruim speelwerf wat reg langs ons pragtige swembad geleë is.
Daar is swaaie, klimrame, ‘n glyplank en ‘n trampolien waarop die jongspan kan baljaar, en wat altyd sorg vir ure se pret en baie lag!
Voëlkyk
Het jy al bietjie vroegoggend op die oewer van die Vaal gesit met ‘n koppie Boeretroos en verkyker in die hand, en gekyk hoeveel verskillende voëlspesies hul verskyning maak by ons prentjiemooi rivierplaas?
Spanbou
Die FAK Udolpho Rivierplaas se pragtige oop ruimtes, grasperke en Hoofterrein-vermaakfasiliteite, bied die ideale ligging vir groepe van verskillende groottes om aan ’n wye verskeidenheid, opwindende spanbou-aktiwiteite te kom deelneem!
Spanbou
Die FAK Udolpho Rivierplaas se pragtige oop ruimtes, grasperke en Hoofterrein-vermaakfasiliteite, bied die ideale ligging vir groepe van verskillende groottes om aan ’n wye verskeidenheid, opwindende spanbou-aktiwiteite te kom deelneem!
